Во градот Адијаман, на самиот југ на Турција, спасувачите успешно извлекоа 12-годишно момче од под урнатините на зграда и 207 часа по разорниот земјотрес што го погоди овој дел од земјата на 6 февруари.
Момчето Берат Јучел е извлечено од под урнатините во населбата Алитас во строгиот центар на Адијаман, а вистинското чудо се случи точно 207 часа по земјотресот.
#SonDakika 🚨 #Adıyaman’da 13 yaşındaki Berat Yücel, 207 saat sonra enkazdan kurtarıldı.pic.twitter.com/cyiWLgpm8j
— Impact (@impacttr) February 14, 2023
Веднаш по спасувачката акција на момчето му била укажана потребната лекарска помош.
Спасувачките тимови не губат надеж и одлучно продолжуваат со потрагата по урнатините на градовите уништени од земјотресот осмиот ден откако се случи.
Според досегашните официјални информации, повеќе од 36 илјади луѓе загинале во разорните земјотреси што го погодија ова подрачје.
Се очекува бројките да продолжат да растат.