Актуелно
Почетна / Македонија / ВМРО-ДПМНЕ: Само на пресовите на Костадинов доаѓа животот

ВМРО-ДПМНЕ: Само на пресовите на Костадинов доаѓа животот

ВМРО-ДПМНЕ излезе со реакција на изјавата на портпаролот на СДСМ, Костадин Костадинов. Според нив, СДСМ со своето неспособно работење ја уништи економијата.

„Индустриското производство е во пад за 33,5 % споредбено со минатата година. Бројот на вработени во индустријата е намален за 5,2% споредбено со јуни месец 2019 година. Извозот падна за 22,3%, а увозот за 18,1% споредбено со првите шест месеци од 2019 година.Јавниот долг е неверојатни 6,5 милијарди евра. Македонија е дополнително задолжена за 1 милијарда евра, а буџетската дупка во првите седум месеци изнесува 520 милиони евра“, велат од ВМРО-ДПМНЕ.

Според нив, набројувањата за економското фијаско во кое владата на СДСМ ја донесе државата се бројни и алармантни. Граѓаните се осиромашуваат, додека капиталот на Заеви и функционерите на СДСМ расте во невидени размери.

„Бизнисите пропаѓаат, вработените се отпуштаат додека СДСМ на пресови измислува нерелевантни бројки. Костадинов и СДСМ треба да и објаснат на македонската јавност зошто се кријат податоците за бројот на невработени лица од Агенцијата за вработување која нема објавен ниту еден податок колку лица останале без работа последниве два месеци. СДСМ се фали со неуспешни сетови на мерки кои на компаниите и на вработените не им помогнаа. Економските последици се поради безидејноста и неспособноста на досегашната влада да изнајде начини за да им помогне на граѓаните, како и поради расипничкото трошење на народните пари, криминалните тендери и штетните политики, сега СДСМ ќе мора да се соочи со одговорноста од економскиот колапс. Само на пресовите на Костадинов доаѓа животот. СДСМ и Заев покажаа дека единствено можат многу повеќе и многу подобро да лажат. Македонија е на работ на економска бездна, последиците од нивното владеење се катастрофални, а единствените политики кои СДСМ ги креира се за криминалните картели“, велат од партијата.

loading...