Во Русија има значително помалку смртни случаи отколку во други земји, тврди Путин

Рускиот претседател Владимир Путин изјави дека бројот на смртни случаи кај лицата со Ковид-19 во Русија е многу пати помал отколку во другите земји, јави ТАСС.

„Бројот на смртни случаи во Русија на примерок од 100.000 пациенти со коронавирус е помал отколку во другите земји, вклучително и земји од ЕУ со поразвиени здравствени системи“, рече рускиот претседател.

Тој посочи дека бројот на новозаразени се стабилизира и не расте, а бројот на пациенти кои закрепнале расте од ден на ден.