Бројот на цивили повредени во последното гранатирање на Харков од страна на руските трупи се искачи на 11. На девет од нив им била потребна хоспитализација, пренесува „Укринформ“.
Ова го соопшти Олех Синиехубов, шеф на Регионалната воена управа во Харков.
„Како последица од непријателското гранатирање на центарот на Харков, повредени се 11 лица: Четворица мажи на возраст од 31 до 38 години; седум жени – од 23 до 71 година“, напиша тој.
Девет жртви итно се пренесени во медицински установи, а на двајца им била укажана помош на лице место.
Според Синиехубов, 35-годишен маж е тешко повреден, а осум пациенти се во средно тешка состојба.
Како што е соопштено, во доцните часови на 10 јануари, руски ракетен напад бил насочен кон хотел во центарот на Харков.