Минатата година на германските патишта се случиле 2.500.000 несреќи, од кои 2.839 биле фатални.
Германскиот ADAC спроведе анкета меѓу имателите на возачки дозволи, која покажа дека поголемиот дел од испитаниците нема да можат повторно да го положат возачкиот испит од прв пат.
ADAC анкетираше речиси 3.500 носители на возачки дозволи, од кои некои имаат децениско возачко искуство. Само два отсто од нив точно одговориле на повеќето прашања на теоретскиот возачки испит. Ова е алармантен резултат ако се земе предвид дека овие луѓе се зад воланот секој ден.
Повеќе од две третини од анкетираните возат повеќе од 20 години, половина од нив редовно повеќе од 200 пати годишно.
Интересно е што на прашањата за безбедносното растојание и разградувањето на алкохолот во крвта, испитаниците релативно често точно одговарале. Но, се покажа дека потешките прашања, како што се задните светла за магла, предизвикаа грешки кај повеќето учесници во истражувањето – само 25 проценти го дадоа вистинскиот одговор.
Речиси никој не можеше точно да одговори на едно прашање: Кои автомобили подлежат на барања за етикетирање во зоната со ниска емисија?
Одговорот на тоа прашање е понуден подолу:
а) Возила со бензински мотор
б) Возила со дизел мотор
в) Возила со електричен мотор
Инаку, одговорот на прашањето е: Сите три возила подлежат на задолжително обележување.