Вучиќ: Сакам гаранција дека Србија ќе биде во ЕУ во 2025 година, ако потпишеме договор со Приштина

Српскиот претседател, Александар Вучиќ изјави дека постигнувањето на каков било договор со Приштина мора да подразбира дека Србија ќе добие гаранции и ќе стане членка на Европската Унија во 2025 година.

„Ако биде постигнато решение, тоа би требало да биде сопфатен договор што ќе ги вклучи не само односите меѓу Србите и Албанците на Косово, туку би морал да го вклучи и решавањето на патот на Србија кон ЕУ и економскиот напредок“, рече Вучиќ.