Тој не постигна ни близу толку голови како Кристијано Роналдо или Лионел Меси.
Не асистира како Кевин Де Брујне или Пол Погба. Не брани како Џиџи Буфон или Мануел Нојер.
Но, затоа, за еден месец од фудбалот, заработува колку најскапите фудбалери за една година!
Мино Рајола е 53-годишен менаџер со италијанско-холандско потекло.
Само фудбалери од висока класа се под негова капа. Тој се грижи за кариерите на фудбалерите како што се Златан Ибрахимовиќ, Пол Погба, Ерлин Халанд, Матијас Де Лигт, Марко Верати, Џанлуиџи Донарума, Хенрик Мктарјан, Марио Балотели …
Кога ќе дојде преодниот рок, Рајола стапува на сцената. За околу 30 дена работа, тој заработува неколку десетици милиони евра од трансфери, повеќе отколку што земаат најскапите фудбалери за една година. Само во летото 2018 година, тој зеде 31 милиони евра трансфери. Таа година, Роналдо зеде 21,5 милиони евра од Реал за една година.
Рајола е роден во 1967 година во јужна Италија, но неговите родители се преселиле во Холандија многу брзо по неговото раѓање, каде што израснал.
Татко му отворил пицерија во градот Харлем, каде Мино работел како перач за миење садови за време на паузата помеѓу часовите. Дипломирал на Правниот факултет и зборува седум јазици: италијански, холандски, англиски, германски, шпански, француски и португалски.
Неговата играчка кариера траела пократко отколку што треба да се прочита оваа реченица, па како млад човек се приклучил на агенцијата за спортски менаџери. Го испекол занаетот на менаџер таму, па решил да отвори своја агенција во 90-тите години.
Првиот голем трансфер му бил трансферот на Павел Недвед од Спарта во Лацио.
Во август 2016 година, тој посредуваше во тогашниот најголем трансфер досега, трансферот на Пол Погба во Манчестер Јунајтед.
Потроши дел од парите од тој трансфер на купување на поранешната куќа на Ал Капоне во Мајами.