„Стигаат вознемирувачки вести од Источна Турција како последица на силниот земјотрес кој се случил вечерва. Изразуваме сочувство до семејствата на жртвите и посакуваме колку што е можно помала штета. Нашите мисли вечерва се со турскиот народ“, напиша лидерот на СДСМ, Зоран Заев на Твитер.
Силен земјотрес од 6,8 степени според Рихтер го погоди истокот на Турција, а притоа загинале најмалку четири лица. Епицентарот е лоциран околу 210 километри североисточно од Газијантеп, на длабочина од 2 километри.
Најтешко е погодена провинцијата Елазиг, а потресот се почуствувал и во Ирак, Сирија, Израел и Либан.
На истокот на земјата уништени се околу 5 објекти. Многу граѓани во паника истрчале на улиците.
По првиот земјотрес се почуствувале и два послаби од 5,4 и 3,3 степени според Рихтер.