Кошаркарите на Бруклин по ноќешната победа 120:115 по продолжение над Атланта го изедначија резултатот на 2-2 во победи во првото коло од НБА плеј офот.

Најзаслужен за триумфот беше Дерон Вилијамс, кој постигна 35 поени (седум тројки), додека Брук Лопез забележа 26 поени и 10 скокови и беше на ниво на претходниот дуел.

Кај Атланта ДеМар Керол и Џеф Тиг реализираа по 20 поени.

Милвоки го намали водството на Чикаго на 3-2 во победи откако го совлада противникот на негов терен со 94:88, додека Портланд пред своите навивачи ја постигна првата победа над Мемфис со 99:92 и сега резултатот е 3-1 во победи.

Вечерва се играат два натпревара:

Хјустон – Далас (3-1 во победи) и

ЛА Клиперс – Сан Антонио (2-2)./MIA