Јавноста сепак не остана да биде информирана само од партиските и институциоланите соопштенија за средбите на политичкиот естаблишмент со Директорот на Директоратот за проширување на ЕУ, Кристијан Даниелсон. Тој по средбите ијави дека има уште работа за подготовката на изборите.

“Одложувањето на изборите даде уште малку време за напредок при подготовката на изборите. Има уште многу работа и на средбите им порачав на партиите и на државните институции да работат заедно за одржување на кредибилни избори и да земат учество во изборниот процес. Им порачав на политичарите да ја поддржат работата на ДИК во прочистувањето на ИС за да се врати довербата кај граѓаните.

Медиумите, особено националниот сервис играат клучна улога, а граѓаните треба да имаат пристап до балансирано известување и различноста на партиските идеи. Загрижени сме за опструкциите кои се прават на СЈО и бараме сите кои се согласија на воспоставување на ова обвинителство да се воздржат од напади и целосно да го поддржат СЈО“ посочи Даниелсон.
Високиот европски претставник е загржиен за информациите за заплашување на гласачи и поочи дека Пржинскиот договор треба да се имплементира не само пред изборите туку и по изборите.