Демонстрантите денеска со два чатали го гаѓаат Собранието на Република Македонија со топки со боја.

Денешните протести кои започнаа пред Специјалното јавно обвинителство се во знак на пораката; „Шарена револуција наместо шарена аболиција“. Втор ден демонстрантите се противат на одлуката на претседателот Ѓорге Иванов за делумно повлекување на аболицијата за 22 лица.

Претходно граѓаните напишаа „Информативен разговор“ со стрелка кон „Беко“ на крстосницата во близина на Полициската станица. Граѓаните и вечерва маршираат со цел да го искажат својот револт и да потенцираат дека ќе проолжат да демонстрираат се додека не се повлечат сите аболиции и претседателот не поднесе оставка.

Протестите на „Шарената револуција“ вечерва има забавен наслов „Информативен разговор“ пред полициската станица „Беко“.
Целта на забавата „Информативен разговор“ пред „Беко“ е министерот за внатрешни работи Митко Чавков да може да ги праша учесниците на „Шарената револуција“ се што го интересира.
– Одиме за да се насмевнеме малку и да ги опуштиме и полицијаците. Да им кажеме и покажаме дека, иако тие носат значки и мораат да ги слушаат наредбите на Чавков, ние сме еден ентитет – се вели на „Фејсбук“ страницата „Информативен разговор“/. фото а1он