97
Германскиот фудбалски сојуз се согласи да му помогне на Косово во однос на организацијата. Фудбалските централи на двете страни потпишаа меморандум за соработка денеска.
Германија ќе помага на фудбалската федерација на Косово во однос на администрацијата, тренерите, судиите, како и во работата со младите фудбалери.
Косово стана член на УЕФА и ФИФА во мај, а од есен оваа година учествува и во квалификациите за СП 2018. Во својот прв официјален дуел косовскиот тим изедначи 1: 1 против Финска.
Србија поднесе жалба против приемот на Косово за член на УЕФА. Белград одбива да ја признае независноста на оваа балканска земја, прогласена во 2008 година.