Ким Кардашијан која стана жртва на вооружен грабеж пред два дена во хотелот во Париз, мислела всушност дека петмината маскирани мажи кои упаднале во станот дошле за да ја силуваат.
35-годишната риалити ѕвезда доживеа навистина застрашувачки напад.
Според најновите информации крадците се извлекле од под креветот во два часот во текот на ноќта, затворајќи ѝ ја устата со селотејп, врзувајќи ѝ ги зглобовите и глуждовите со лисици и ја оставиле во кадата, во една од бањите на станот, пишува сајтот TMZ .
Ким цело време се молела да не ја повредуваат, бидејќи е мајка на две деца.Таа сама им предложила на разбојниците да ги земат сите нејзини скапоцености и пари.
За среќа Кардашијан не била сама во станот за време на нападот.
Нејзината пријателка Симон спиела на долниот кат во пентхаусот и почувствувала дека нешто не е во ред, се заклучила во бањата и се јавила на телохранителот на ѕвездата Паскал Дјовие кој дошол на местото на инцидентот со две минутно задоцнување.
Грабежот траел не повеќе од шест минути, пишува жолтиот печат.