На 27 октомври рок бендот “Линкин парк” ќе одржи спомен концерт во Лос Анџелес, со кој ќе го уважи покојниот вокалист Честер Бенингтон. 
Музичкиот настан ќе е првиот на кој петмината останати членови на групата ќе се качат заедно на сцена по смртта на Бенингтон, а сите приходи од настапите ќе бидат донирани на основана од самите нив фондација Music for Relief ангажирана со заштита на животната средина и обезбедување помош за жртвите од различни природни катастрофи.
Продажбата на билетите за концертот во Холивуд ќе започне овој петок, 22 септември.
Во меѓувреме денес “Линкин парк” го пуштија и видеото кон парчето One More Light што вклучува архивски кадри на Бенингтон, снимени на сцената и зад сцената.
“One More Light беше напишана со намера да даде спокој и љубов на сите оние кои изгубиле некого. Сега ние се надеваме дека ќе го добиеме токму тоа”, напиша другиот фронтмен на рок групата Мајк Шинода.