78
Украинскиот претседател Петро Порошенко го назначи поранешниот грузиски претседател Михаил Саакашвили за претседател на новоформираниот Консултативен меѓународен совет за реформи, пренесе ТАСС.
Указот за формирање на советот и за назначување на неговиот претседател беше објавено денеска на сајтот на украинското претседателство.
Советот ќе има за цел привлекување искусни странски претставници за реформирање на соодветните сфери, кои на Украина ќе и помогнат целосно да се реформира.
Советот ќе е консултативен орган на претседателот на Украина и неговата главна задача ќе биде да му дава предлози и препораки за извршените реформи во земјата, а ќе се темелат на најдоброто меѓународно искуство.