Која фризура ja носите и колку често ја менувате? Фризурата ја избираме според нашите желби, модни трендови, форма на лицето.Нејзиниот изглед одговара не само на стилот, но и на нашето битие. Што покажува вашата фризура за вас?

Бранови во косата или кадрава коса

За вас може да се каже дека сте романтична и привлечна дама. Секогаш сте отворени за нови искуства. Спрема луѓето околу вас, се однесувате пријателски, но секогаш се стремите да сте истакнати. Вашиот оптимизам и романтично емитување, го маѓепсува спротивниот пол.

Плетенки во косите

Вие сте една достојна личност со големо чувство за хумор и неисцрпна енергија. Секогаш се стремите да помогнете на луѓето крај вас. Верувате во идеите и соништата и се стремите да ги следите. Ги поднесувате поразите со високо крената глава.

Боб

Ако ја фенирате косата во уреден боб, вие сте жена со богат внатрешен свет. Наоѓате среќа во работата и креативните идеи, кои кај вас се секојдневие. Секогаш сте подготвени да направите нешто необично и оригинално. Вашата амбиција работи во ваша корист.

Венец од плетенки

Вие сте човек кој сака да ги слуша приказните на другите. Секојдневието е посветено на луѓето крај вас. Најсилната карактеристика на вашата личност е благонаклонетоста. Ви се допаѓа славата и секогаш се стремите да бидете во центарот на вниманието. Луѓето ве ценат не толку поради надворешноста колку заради вашите лидерски квалитети.

Затегната пунџа

Во секој момент вие сте со совршен изглед. Од друга страна сте исклучително дисциплинирани и имате контрола на секој аспект од животот. Претпазливи сте, а кога треба да се донесе важна одлука, преферирате да размислувате подобро работите и да не брзате.

Коњска опашка

Вие сте мирна личност и секогаш дејствувате според интуицијата. По природа ги промовирате и поучувато другите, но ретко ги судите. Мислите дека луѓето треба да бидат прифатени такви какви што се. Добар слушател сте и советник.

Идеална права и распуштена коса
Вие сте добро организирана и независна жена. Околу вас сè е уредно. Ги цените малите и едноставни нешта. Ја откривате среќата во деталите, а не во материјалното. Туѓите проблеми не ве возбудуваат и иако тоа ве прави малку егоисти, не се плашите да го прикажете. Во љубовта тешко наоѓате половина, бидејќи мажите се плашат од вашата сила.

Распуштена и несериозна пунџа

Вие сте вистинска социјална пеперутка. Вашите главни приоритети во животот се семејството и пријателите. Најблиските секогаш може да сметаат на вашата поддршка и совети. Сакате да се забавувате, да патувате, а во љубовта имате потреба од разновидност.
Слики: buzzfeed