Ниту дождот и лошите временски прилики во Скопје не ги обесхрабри граѓаните и вечерва да се соберат пред зградата на СЈО. Со транспарентот „Смрт за режимот, слобода за МРТВ“ почна протестиот марш.
Вниманието на протестот е свртено кон информирањето на јавниот сервис, односно „Македонска радио-телевизија“.
Свирчиња и револуционерни песни на протестниот марш на #ШаренаРеволуција #п #протестирам pic.twitter.com/IWy2kx1lVn
— META.mk (@meta_agency) May 7, 2016
„Само информирани граѓан(к)и можат да носат информирани одлуки. Задача на „Македонска радио-телевизија“, како јавен радиодифузер, е да известува професионално и непристрасно за настаните. Меѓутоа, овој јавен сервис е отуѓен од народот и е слуга на партиските интереси на власта. Заедно со приватните режимски медиуми, МРТВ учествува во демонизирање на критиката и е комплетно посветена на промоција на корумпираниот режим на ВМРО-ДПМНЕ и на ДУИ. Со пари на граѓаните креира розова слика за реалноста и го одржува режимот на власт“, пишуваше во најавата на протестот.
Од автомобил кој е во знакот на #ШаренаРеволуција се слушаат револуционерни песни #Протестирам #П pic.twitter.com/iugqrdDp7J
— META.mk (@meta_agency) May 7, 2016
Граѓаните од пред СЈО ќе се маршира кон МРТВ.
„Ќе маршираме дотаму за да им порачаме дека тие се наш сервис и дека нивна задача е да работат професионално, а не партиски. Ќе им порачаме дека МРТВ е на граѓаните, од граѓаните и за граѓаните! Нема правда, нема мир!“, стои на крајот во соопштението./ видео Мета
За денеска најавени се протести на „Шарената револуција“ и во Кичево, Кочани, Битола и во Струмица.