Гувернерот на американската сојузна држава Северна Каролина прогласи вонредна состојба во градот Шарлот, каде втора ноќ по ред продолжија судири меѓу полицијата и демонстранти.
Немирите започнаа поради отворање оган од страна на полицаец врз Афроамериканец, кој подоцна им подлегнал на повредите. Полицијата тврди дека тој имал оружје и одбил да ги спроведе наредбите на полицаецот, но роднини на убиениот велат дека не бил вооружен, туку дека држел книга, а не пиштол. Во тек е истрага за инцидентот.
Во судирите полицијата употребила солзавец и гумени куршуми, со цел да ги растера демонстрантите, меѓу кои имало и многу агресивни лица.
Одлуката за воведување вонредна состојба ќе им овозможи на властите да распоредат единици на Националната гарда и сообраќајна полиција, кои ќе и помогнат на локалната полиција да ја контролира ситуацијата.