Француски климатски активисти утрово беа снимени како фрлаат супа врз сликата на Мона Лиза во музејот Лувр. За среќа, сликата е зад стаклената заштита, па не е оштетена.
На видеото објавено на социјалните мрежи се гледаат двајца демонстранти од групата „Riposte alimentaire“, како прскаат супа од конзерва врз стаклото што го штити најпознатото уметничко дело на Леонардо да Винчи.
Ecoterrorists throw soup on Mona Lisa painting in Louvre Museum. What is most suitable punishment for such an act? pic.twitter.com/0TCdJj23nt
— RadioGenoa (@RadioGenoa) January 28, 2024
Демонстрантите рекоа дека целта на акцијата е да се промовира „правото на здрава и одржлива храна“.
Мона Лиза, која била насликана некаде помеѓу 1503 и 1519 година додека Леонардо живеел во Фиренца, била поставена во Лувр во 1804 година. Таа е зад безбедносното стакло од раните 1950-ти, кога посетител истурил киселина врз неа.
Во 2019 година, музејот соопшти дека инсталирал потранспарентен облик на стакло отпорно на куршуми за да го заштити.
Во 2022 година, активист фрли торта на сликата, повикувајќи ги луѓето „да мислат на Земјата“.