Неколку моменти пред официјалниот почеток на привремениот прекин на огнот, израелската армија објави видео на социјалните мрежи во кое ги предупредува жителите на Газа дека „војната сè уште не е завршена“.
„Хуманитарната пауза е привремена“, рече Авичај Адрае, портпарол на израелските одбранбени сили, кој зборуваше на арапски.
„Северниот појас Газа е опасна воена зона и движењето кон север е забрането. За ваша безбедност, мора да останете во хуманитарната зона на југ“, им порача тој на жителите на Газа.
⭕️Watch this important message from the IDF Spokesperson for Arab media, @AvichayAdraee, to the civilians of Gaza:
”The war is not over yet. The humanitarian pause is temporary. The northern Gaza Strip is a dangerous war zone and it is forbidden to move north. For your safety,… https://t.co/OmtxDYHIK3 pic.twitter.com/4gaJDxgy5I
— Israel Defense Forces (@IDF) November 24, 2023
Утринава во 7 часот стапи на сила четиридневното примирје меѓу Израел и Хамас во Појасот Газа, а попладне ќе бидат ослободени 13 заложници.
Катар, заедно со Египет и САД, посредуваа за договор за прекин на огнот врз основа на кој 50 заложници држени во Газа ќе бидат ослободени во замена за 150 палестински затвореници во Израел.
Примирјето првично требаше да стапи на сила во среда, но беше одложено за денеска во 7 часот по локално време. Првото ослободување на заложниците, 13 жени и деца, се очекува околу 16 часот.
Војната беше предизвикана од ненадејните напади на Хамас врз Израел на 7 октомври. Повеќе од 1.200 луѓе беа убиени, а околу 240 беа киднапирани и однесени во Газа.
Израел потоа се закани дека ќе го уништи Хамас и непрекинато го бомбардираше Појасот Газа, а потоа започна копнена офанзива во која загинаа повеќе од 14.800 Палестинци, меѓу кои и повеќе од 6.000 деца, според владата на Хамас.