Руските пранкери Вован и Лексус денеска го објавија разговорот кој експремиерот Зоран Заев го имал со „лажната активистка Грета Тунберг и нејзиниот татко“.
Аферата беше откриена минатата есен, а владиниот советник за комуникации Марјан Забрчанец тогаш изјави дека бил разоткриен хибриден напад врз Кабинетот на премиерот.
Во разговорот кој е објавен на платформата Јутјуб, Заев и лажната Грета разговараат за затворање на аеродромите, легализирање на марихуаната, посета на активистката на Македонија, но и за мигрантите.
Претходно, исто така, на Јутјуб беа објавени разговори меѓу Заев и лажен Петро Порошенко.
Руските „пранкстери“ Владимир Кузнетсов и Алексеј Столиров познати како Вован и Лексус работат на интернационален проект „Ѕвездите ја спасуваат Земјата“ во кој тие измамуваат јавни личности од светот претставувајќи се како политичари и активисти.