Управата за цивилна заштита во неделата соопшти дека во 11 и 25 часот од радарот на хрватските служби за воздухопловна навигација во поширокото подрачје на Слуњ исчезнал авион кој тргнал од Сплит. Се работи за авион Цесна 182. Авионот летал од правец на Сплит кон Германија, а во авионот имало четири лица.
Потрагата е исклучително тешка и напорна
Во Броќанец е организиран штаб во кој има припадници на ХГСС, полиција, но и службеници на антитерористичката единица Лучко. Тие ја координираат потрагата за која велат дека е исклучително тешка и напорна, со оглед на тоа што теренот што се пребарува е широк. Временските услови се тешки.
Нивната главна задача е стеснување на теренот за малку да се олесни пребарувањето во тој дел. На терен има околу 70 членови, но секоја минута ги има се повеќе и постојано доаѓаат нови возила на HGSS. Командантот ги распоредува на терен, јави Нова ТВ.
Пред да исчезне испрати повик за помош
Како што дознава Дневник Нова ТВ, пред исчезнувањето авионот упатил повик за помош.