Бајден се подготвува да објави нов пакет помош од 375 милиони долари за Украина

Американскиот претседател Џозеф Бајден се подготвува да објави нов пакет воена помош од 375 милиони долари за Украина по очекуваниот состанок со неговиот украински колега Володимир Зеленски во Јапонија, изјавија три неименувани американски и украински извори запознаени со разговорите.

Според „Политико“, пакетот воена помош ќе вклучува повеќе артилериски гранати, оклопни возила и противтенковски оружја, со кои Западот веќе ја снабдува Украина.

Веста доаѓа откако американскиот претседател рече дека ќе дозволи испорака на американски авиони Ф-16 во Украина од други земји, велејќи им на своите колеги од Г7 дека ќе поддржи заеднички меѓународен напор за обука на украински пилоти.