Фудбалскиот клуб Барселона е во огромни проблеми, а тимот од Каталонија би можел да доживее прилично неочекуван удар.
Кога Пјер-Емерик Обамејанг пристигна од Арсенал, многумина одмавнаа со главите со сомнеж, но репрезентативецот на Габон речиси веднаш експлодираше и покажа дека не заборавил да игра фудбал.
Брзо стана миленик на навивачите, а се чинеше дека пристигна на „Ноу Камп“ со намера да остане таму долго време, но збогувањето може да дојде по само една година и само 24 одиграни натпревари.
Барселона доби понуда од Челси за својот најдобар играч, па Обамејанг би можел да се врати во Лондон, овојпат во сина опрема, иако претходно буквално побегна од овој град во Шпанија.
За него Барса наводно би требало да добие 27 милиони евра.
Од друга страна, Каталонците се подготвени да платат дури 30 милиони евра за трансферот на Хуан Фој, десниот бек на Виљареал, што е изненадувачки бидејќи како прва опција го имаат Сержињо Дест, додека Роналд Араухо, Ерик Гарсија и Серхи Роберто може доста добро да ја покријат таа позиција.
Уште еден во низата нелогични потези на Барселона која тоне се подлабоко…