Сергеј Барбарез, познатиот фудбалер и поранешен капитен на Босна и Херцеговина, реши да ѝ се заблагодари на Србија затоа што неговото семејство можело да се вакцинира, но и да ја критикува владата во татковината.
Легендата на фудбаслкиот клуб Хамбургер (постигнал 65 гола на 174 настапи во Бундеслигата) во само две реченици го сумирал она што го мисли за ситуацијата во двете земји.
„Ви благодарам, мој Белград, од се срце, бидејќи им дадовте шанса на мајка ми и сестра ми да се вакцинираат, а со тоа и шанса за подобар живот. А вас босански политичари, да не ве спомнувам поединечно, затоа што и не сте го заслужиле тоа, сè уште сте горди на својот идиотизам и незнаење“, напишал Барбарез на Твитер.
Hvala ti moj Beograde od ❤️, jer si dao šansu mojoj majci i sestri da se vakcinišu ,samim tim i šansu za boljim životom. A tebi "BiH politiko" , da vas pojedinačno ne nabrajam , jer niste ni to zaslužili , diči se i dalje svojim idiotizmom i neznanjem !
— Barbarez Sergej (@BarbarezSergej) March 27, 2021
Барбарез со години играше на највисоко ниво во Бундеслигата, каде уште ги носеше дресовите на Хановер, Унион Берлин, Борусија Дортмунд и Баер Леверкузен. Тој го подели првото место на листата на стрелци во Бундеслигата во сезоната 2000/2001 кога постигна 22 гола, како и Ебе Санд од Шалке.
Собра 47 натпревари за репрезентацијата на Босна и Херцеговина, на кои постигна 17 погодоци. Тој беше капитен на тимот, а последниот натпревар го одигра во октомври 2006 година против Молдавија во квалификациите за Европското првенство.