Бугарски експерт за безбедност: Односите меѓу Бугарија и С. Македонија треба да бидат како оние на Грција и Кипар

„Односите меѓу Бугарија и РС Македонија треба да бидат како оние на Грција и Кипар или Романија и Молдавија“, рече Димитар Гардев, дипломат, аналитичар и меѓународен експерт за безбедност, за програмата „Офанзива со Лубо Огњанов“.

„Бугарија не сака ништо дополнително кон Договорот за добрососедство. Односите меѓу Бугарија и РС Македонија треба да бидат како оние на Грција и Кипар, не сакаме ништо што би им го одзело идентитетот на луѓето во РС Македонија“, рече тој.

„РС Македонија мора да биде земја што не смее да создава проблеми во ЕУ. Нерешените проблеми меѓу две земји на ЕУ се многу поголем проблем отколку сопирањето на РС Македонија од Бугарија“, додаде тој.