Џонсон: Велика Британија ќе соработува со Талибанците доколку е потребно

Британскиот премиер Борис Џонсон денеска изјави дека Велика Британија ќе соработува со Талибанците доколку е потребно.

Џонсон го бранеше и министерот за надворешни работи Доминик Раб, кој беше критикуван за справување со ситуацијата во Авганистан и рече дека има „апсолутна“ доверба во него, пишува Ројтерс.

„Она што сакам да ги уверам луѓето е дека нашите политички и дипломатски напори да најдеме решение за Авганистан, доколку е потребно со Талибанците, ќе продолжат“, рече Џонсон за медиумите.

Британската влада соопшти дека евакуирала 1.615 луѓе од минатата сабота, а премиерот рече дека ситуацијата на аеродромот во Кабул е „подобрена“.