Словенија се подготвува за самитот на 6 октомври на кој ќе се разговара за иднината на Западен Балкан во Европската унија.
Се очекува лидерите на ЕУ писмено да изјават дека го поддржуваат проширувањето, но тоа ќе го поврзат со реформите во самата унија, објави албанската телевизија „Ора њуз“.
Странски агенции ги цитираат европските дипломати како велат дека се уште постои скептицизам во Франција и Холандија.
Овие две земји го отфрлаат предлогот на Словенија за интегрирање на целиот регион во ЕУ до 2030 година, бидејќи нема доволно време за спроведување на потребните реформи.
Според дипломатите, Париз има резерви во врска со брзото проширување на Европската унија со шесте земји од Западен Балкан, бидејќи процесот на донесување одлуки може дополнително да се искомплицира.
Од друга страна, останува стравот дека западните ривали како Турција, Кина и Русија ќе го пополнат вакуумот во регионот.
Лидерите на ЕУ вечерва ќе одржат неформален состанок во Брдо, Словенија, а перспективите на Албанија, Косово, С. Македонија, Црна Гора, Србија и Босна и Херцеговина ќе се дискутираат на 6 октомври.
Белград и Подгорица веќе започнаа преговори за членство; Тирана и Скопје очекуваат позитивна одлука дали Бугарија ќе го укине ветото за Македонија, додека Косово и Босна остануваат земји кандидати за приклучување кон европското семејство.