Војната во Украина и економските санкции што следеа ќе предизвикаат многу поголеми нарушувања во европската економија и пазар од претходните кризи како што е пандемијата на коронавирусот, велат економистите.
Во позадина на рускиот напад врз Украина, европските лидери ги засилија плановите за намалување на нивната прекумерна зависност од руската енергија. Европскиот парламент во четвртокот повика на итно и целосно ембарго на руската нафта, јаглен, нуклеарно гориво и гас.
Сепак, овој агресивен пресврт има цена за европската економија – ќе ја турне и онака високата инфлација на рекордни нивоа и се заканува да го поткопа закрепнувањето на производството што започна минатата година кога економиите повторно се обидоа да излезат од пандемијата на ковид-19, пишува CNBC.