Експлозија во Николаев

Експлозија одекна во Николаев, на југот на Украина, соопшти шефот на регионалната воена управа на Николаев, Виталиј Ким.

Тој на Телеграм напиша дека руските сили веројатно го гаѓаат градот од противвоздушни ракетни системи Ц-300, пренесува „Танјуг“.

Агенцијата Униан јави дека воздухопловните сили на вооружените сили на Украина ноќеска во еден часот предупредиле на опасност од ракетен напад во регионите Николаев и Херсон.