Министертот за здравство, Венко Филипче за отвореното студио на ТВ 24 изјави дека успешно го избегнавме случајот со Италија и со тоа е покажано дека здравствениот систем е еден од столбовите на државата.
„Епидемијата стивнува, во мирна фаза сме, имаме слободни кревети и респираторни машини, ги знаеме контактите, немаме изнедувања и можам да кажам дека ситуацијата е под контрола“, изјави Филипче.
Тој изјави дека новите случаи се од непочитување на мерките, односно дека мора да се носат маските и да се почитува дистанцата.
„Кластерите се познати. Имаме луѓе што доаѓаат во болницата во Струга со белодробен наод кој одговара на Ковид-19, а кои присуствувале на литијата во градот пред некоја недела. Имаме докажани случаи од семејни настани по десетина луѓе“, посочи Филипче.