Франција, инаку најважната дестинација за американските туристи, ги отстрани САД од листата на „безбедни земји“ и со тоа спречи влез на невакцинирани американски државјани.
Уредбата издадена од француската влада во четвртокот ги помести САД и Израел од „зелената“ листа на земји на „портокаловата“ листа, со која беа забранети неважни патувања во Франција за невакцинирани посетители.
Според француските правила, на невакцинираните патници од која било земја се уште ќе им биде дозволено да влезат под услов да имаат валидна причина за патување. Сепак, ќе им треба негативен тест за коронавирус пред да патуваат и мора да бидат ставени во карантин седум дена по пристигнувањето.
Овој потег на Франција се должи на ограничувањата воведени за американските патници од неколку други европски дестинации. Претходно оваа недела, Шпанија ја промени својата политика за влез за патници од САД, барајќи од нив да имаат сертификат со кој се докажува целосна вакцинација.