Газпром: Преку Украина испорачуваме 42,4 милиони кубни метри гас

Количината на руски гас испорачана во Европа преку Украина денеска изнесува 42,4 милиони кубни метри, изјави денеска портпаролот на „Газпром“ Сергеј Купријанов.

„Газпром продолжува да испорачува руски гас за транзит низ украинска територија преку пумпната станица за гас Суджа, во количина одобрена од Украина. Количината е 42,4 милиони кубни метри за 16 октомври“, навел Купријанов.

Оваа транзитна линија низ Украина е единствената рута за снабдување со руски гас за земјите од Западна и Централна Европа.