Возач од мал град во северозападна Германија бил толку збунет во поголем град што не успеал да најде каде го паркирал својот автомобил три недели.
62-годишен Германец го паркирал своето возило во катната гаража во Оснабрик, град со 165.000 жители, на почетокот на февруари и заминал на состанок.
„Јас дури и не знам колку пати бевме во Оснабрик и го баравме неговиот автомобил“, рече неговата ќерка во средата.
Таа објаснува дека немала картичка за паркирање со името на гаражата бидејќи рампата била отворена затоа што издавачот на картичката не работел.
Нејзиниот татко возел од градот Бентхајм, во Долна Саксонија, до Оснабрик на 3 февруари. Кога влегол во градот, тој барал паркинг во близина на центарот, паркирал во гаражата и подоцна не можел да се сети каде се наоѓа таа гаража.
Три недели таткото и ќерката ги пребарувале гаражите во Оснабрик, каде што само во центарот, ги има 15. На крајот, тие контактирале со медиумите, па жител на тој град ги известил дека го нашол нивното возило.
Автомобилот бил во хотелската гаража во центарот на градот.