Италија: 21.261 новозаразени со коронавирус, починаа 376 лица

Дневните податоци од Министерството за здравство покажуваат дека од вчера се направени 359.214 тестови за присуство на коронавирусот.

Инфекцијата е потврдена кај 21.261 лице. Ова го зголеми бројот на заразени на 3.650.247.

Активни се 564.855 случаи. Уште 376 лица загинаа, вкупно 110.704.

Бројот на опоравени е поголем за 21.311 и изнесува 2.974.688.

Од 27 декември 2020 година, во Италија се вакцинирани 10.846.621 лице, а меѓу нив има и 3.388.472 лица кои ја примиле втората доза.

Од друга страна, во земјата се преземени дополнителни мерки за одбележување на Велигден, а зајакнати се и контролите дали се почитуваат пропишаните мерки.