Во никој случај не можеме да бидеме изолирани поради ветото кон С. Македонија. Бугарија е полноправна членка на Европската унија. Имаме свои проблеми, но сме во ЕУ, додека Македонија се уште не га започне преговорите, коментира бугарскиот новинар Николај Коев, долгогодишен дописник во Скопје и Белград.
„Европа се дистанцира од ситуацијата, бидејќи ако нашиот случај стане преседан, тој ќе биде пренесен во процедурите на другите земји од Западен Балкан“, додава Коев.
Тој е категоричен дека историјата и фактите се на нивна страна, објаснил за бТВ. Новинарот истакнува дека С. Македонија вложила големи напори да лобира во нејзина корист.
Бугарија го потврди својот став за европската перспектива на Република Северна Македонија за време на вчерашниот редовен состанок на Советот за општи работи (ГЦЦ) во Луксембург, каде што истовремено беше отворена за конструктивен дијалог со претстојното словенечко претседателство со Советот на ЕУ за изнаоѓање меѓусебни прифатливи решенија, објавиле од прес-центарот на тамошното Министерство за надворешни работи.