Вчера дознавме за последните три репрезентации кои учествуваат на Европското првенство кое идното лето ќе се одржи во Германија.
Во прашање се селекциите на Грузија, Украина и Полска.
Прво, Грузијците остварија историски успех во Тбилиси со пласманот на завршниот турнир, совладувајќи ја грчката селекција по подоброто изведување пенали.
Малку подоцна Украинците го совладаа Исланд по пресврт, а Полјаците беа подобри од Велс во Кардиф, исто така, по подоброто изведување на пенали, па сега го знаеме составот на сите шест групи во континенталното натпреварување.
Погледнете како изгледаат составите на сите групи на ЕП:
ГРУПА А
1. Германија
2. Унгарија
3. Шкотска
4. Швајцарија
ГРУПА Б
1. Албанија
2. Хрватска
3. Италија
4. Шпанија
ГРУПА В
1. Данска
2. Англија
3. Србија
4. Словенија
ГРУПА Д
1. Австрија
2. Франција
3. Холандија
4. Полска
ГРУПА Е
1. Белгија
2. Украина
3. Романија
4. Словачка
ГРУПА Ф
1. Чешка
2. Турција
3. Португалија
4. Грузија
Како изгледа форматот на првенството?
Форматот е идентичен со форматот во кој се играше првенството во 2020 година. Затоа, тимовите ќе бидат поделени во шест групи (по четири репрезентации). Во осминафиналето ќе се пласираат двете првопласирани, како и четирите најдобри третопласирани.
Натпреварите ќе се играат на десет германски стадиони, термините се 15, 18 и 21 часот. Турнирот го отвораат Германија и Шкотска, тој натпревар ќе се игра на 14 јуни во Минхен. Финалето ќе се игра точно еден месец подоцна на Олимпискиот стадион во Берлин.
Важни датуми
14 јуни / отворање на турнирот
29 јуни / осминафинале
5 јули / четврт финале
9 јули / полуфинале
14 јули / финале