Словенечкиот кошаркар Клемен Препелиќ сподели една лоша ситуација која ја доживеал во неделата.
Препелиќ е еден од оние кои се вклучија во акцијата за помош на Турција, поради разорните земјотреси што ја погодија оваа земја и Сирија.
Два земјотреси до 7,8 степени според Рихтеровата скала уништија илјадници згради и куќи, а бројот на жртви постојано се зголемува.
Кошаркарот на шпанска Валенсија бил шокиран што за донацијата му била наплатена провизија.
„Денес останав во шок. Кога испратив пари во една од турските хуманитарни организации, банката Сантандер зеде 50 евра на име на провизија. Искрено, такви работи не треба да се случуваат во вакви ситуации“, рекол Препелиќ.
Today i was kind of shock.
When i send the money to one of the turkish humanitarian organization the Santander bank took a 50eur of commission. Honestly those kind of thinks should never happen in this ocasion. 😡— Prepelic Klemen (@prle_10) February 12, 2023
За ова ја добил поддршката од своите следбеници на Твитер, бидејќи луѓето главно се обединети во мислењето дека не треба да се профитира од вакви трагедии.