Заедничката прес-служба на судовите во Санкт Петербург ги негираше тврдењата на пејачката Мадона, која изјави дека е казнета со еден милион долари за говор за поддршка на геј популацијата на концерт во Санкт Петербург пред осум години, и дека таа одбила да ја плати казната. Судовите во Санкт Петербург објавија дека Мадона не е ниту казнета.
„Владата ме казни со милион долари за поддршка на геј заедницата. Никогаш не ги платив“, се пофали Мадона на својот профил на Твитер.
Заедничката прес-служба на градските судови објави дека Окружниот суд во Москва дури и не ја казнил Мадона во 2012 година, по тужбата што ја поднеле активисти против неа.
Во средината на август 2012 година, активистите поднесоа тужби против пејачката за морална штета, како и организаторите на нејзиниот концерт во северната престолнина – Санкт Петербург, сметајќи дека биле навредени од нејзиниот настап на концертот за поддршка на сексуалните малцинства.
Секоја тужба предвидува казна од 37 милиони рубли.