Мајката на Роналдо: Никогаш не сум сакала да се врати во Манчестер

Мајката на Кристијано Роналдо ги негираше гласините дека ја притискала португалската ѕвезда да се врати во Манчестер Јунајтед.

Марија Долорес Авеиро соопшти дека е многу среќна со трансферот на својот син во Јувентус и е сигурна дека CR7 ќе го трансформира италијанскиот шампион.

„Гласините дека сум сакала Кристијано да се врати во Манчестер се лаги. Ова едноставно не е точно. Многу сум среќна со неговиот избор. Вчера беше многу среќен ден за нас. Мојот син ќе го направи Јувентус уште поголем клуб. Ова е нов предизвик и нов живот. Тој уживаше во неговиот престој во Реал Мадрид, но му беше потребен нов предизвик“, рече Марија Долорес Авеиро.