Патрола на германски војници, членови на мисијата на ООН, беше нападната во западноафриканската држава Мали.
Командата за мировни мисии на Бундесверот потврди дека биле нападнати германски војници.
„Билд“ тврди дека во нападот биле повредени 15 германски војници, од кои тројца се здобиле со тешки повреди.
Бундесверот испрати авион до Мали за да ги евакуира повредените војници.
More than a dozen UN peacekeepers in Mali wounded in car-bomb attack https://t.co/8NCbJRGRs1 pic.twitter.com/tD5oyJ6y2S
— FRANCE 24 English (@France24_en) June 25, 2021
Нападот се случил на околу 155 километри западно од Гао, каде е стациониран германскиот контингент на сините шлемови во кампот Кастор.
Според „Билд“, нападот го извршил бомбаш-самоубиец, кој активирал автомобил-бомба во непосредна близина на војниците.
Бундесверот издаде забрана за објавување информации за нападот, затоа што засега не се информирани членовите на семејството на повредените.
Најавено е дека министерот за одбрана, Анегрет Крамп-Каренбауер, ќе и се обрати на нацијата за тој настан.
Мисијата на ООН „Минусма“ во Мали има мандат да ја стабилизира состојбата во земјата.
15 German soldiers injured in a suspected attack in Mali: The President of the Federal Central Council of Blacks in Germany Z.R.S.D., Joao Mario Bembo, calls on the Federal Government and the Bundestag to withdraw all Bundeswehr soldiers to Germany immediately. pic.twitter.com/X2ni2VrTPl
— Bundeszentralrat der Schwarzen in Deutschland ZRSD (@DerZrsd) June 25, 2021
Инаку, Минусма преку Твитер објави дека во нападот се повредени 15 војници, без да ги наведе националностите на повредените.
„Минусма остро го осудува овој напад и посакува повредените брзо и целосно да се опорават“, беше наведено на Твитер.