Коронавирусот сè уште не е потврден само во две од 193 земји кои се полноправни членки на Обединетите нации (ОН), а според Светската здравствена организација (СЗО), заразени има на сите континенти.
Последната земја во која е регистриран вирусот е Северна Кореја, која во четвртокот официјално го потврди првиот случај на заболување од Ковид-19 во таа земја. Севернокорејските државни медиуми јавуваат дека во Пјонгјанг е откриена позаразната подваријанта омикрон познат како БА.2.
Во извештајот се наведува дека луѓето во Пјонгјанг се заразиле со варијантата омикрон, без детали за бројот на случаи или можни извори на инфекција.
Туркменистан сега е единствената азиска земја која нема потврдено присуство на коронавирус, иако се граничи со Иран, каде што се регистрирани повеќе од 7,2 милиони луѓе од почетокот на пандемијата, како и со Казахстан, кој има околу 1,3 милиони случаи.
Имаше спорадични извештаи за граѓани на Туркменистан кои страдаат од симптоми на коронавирус, па дури и наводни смртни случаи, но тамошните власти досега не пријавиле ниту еден случај на инфекција.
Друга земја каде коронавирусот не е потврден е Тувалу и се наоѓа во Океанија. Се состои од девет острови и е четврта најмала земја во светот по население, а зафаќа површина од 26 квадратни километри.