Откриен идентитетот на напаѓачите од Ерусалим: Претходно биле уапсени за тероризам

Според израелската безбедносна агенција Шин Бет, двајцата терористи кои го извршиле нападот на влезот во Ерусалим се членови на Хамас, а претходно биле во затвор поради терористички активности.

Станува збор за браќата Мурад Намр (38) и Ибрахим Намр (30) од источниот ерусалимски кварт Сур Бахер, пишува The Times of Israel.

Според Шин Бет, Мурад бил затворен од 2010 до 2020 година поради планирање терористички напади под раководство на терористички елементи во Појасот Газа.

Според агенцијата, Ибрахим бил затворен во 2014 година поради неоткриени терористички активности.