Ковид-19 продолжува да ги збунува научниците и водечките здравствени експерти, особено сега кога се сомневаат дека постои друг начин преку кој може да се шири.
Сега се сомнева дека вирусот корона САРС-КоВ-2 се пренесува и преку столицата на заразен пациент.
Научниците и истражувачите сега откриле дека покрај симптомите на горниот респираторен тракт, значителен број пациенти заразени со Ковид-19 страдале и од губење на апетит, гадење, повраќање и дијареја.
Студијата, објавена во списанието Gastroenterology, навлегла во симптомите на желудникот, па д-р Александар Подбој, автор на студијата, изрази сомневање дека Ковид не се пренесува само преку респираторниот тракт.
– Една третина од пациентите што ги испитавме имаа гастроинтестинални симптоми. Можно е да ни недостасува уште еден познат начин на пренесување затоа што премногу се фокусиравме на респираторните симптоми – посочи тој.
Во студијата, дури 31,9 проценти од заразените пациенти пријавиле гастроинтестинални проблеми и ги опишале симптомите како благи.
– Забележавме и дека 40% од пациентите имаат покачено ниво на абнормален ензим во црниот дроб и дека за оние со високо ниво е потребна поголема хоспитализација – истакнува д-р Џорџ Коланкерил.
Така, некои истражувања укажуваат на можноста „Ковид-19“ да е присутен во столицата и кога можеби не е присутен во респираторниот тракт.
– Болеста може да биде застапена прво во столицата, а подоцна и во респираторниот тракт. Иако се потребни повеќе докази, претпоставуваме дека кај некој што има Ковид, неговата столица може да биде потенцијално заразна, исто како и респираторните секрети – истакнува тој.
Претходните тестови откриле дека Ковид може да биде присутен во изметот, а кај еден маж чиј примерок од столица е земен, се покажало дека е одржлив.
Ова би значело дека луѓето кои одат во тоалет и потоа не ги мијат рацете, можат да го шират вирусот понатаму.
Дури и Светската здравствена организација ги потврди овие наводи.
– Постојат докази дека инфекцијата може да доведе до цревна инфекција и да биде присутна во фекалии. Сепак, само една студија го забележала вирусот од еден примерок. До денес, немаме извештаи за фекално-орално пренесување на вирусот – изјавија тие, додавајќи дека е многу важно да ги миете рацете по секоја нужда.