Во последните 24 часа се регистрирани 127 оздравени пациенти, соопшти попладнево Министерството за здравство.
Од оздравените лица што ги регистрира денеска Институтот за јавно здравје од Скопје се 40, Куманово-17, Штип-22, Прилеп-6, Велес-2, Битола-2, Гостивар-5, Радовиш-10, Крушево-1, Пробиштип-5, Демир Хисар-1, Македонски Брод-3, Кратово-1, Свети Николе-12.
На Инфективната клиника во изминативе 24 часа примени се 3 пациенти. Вкупно се хоспитализирани 80 пациенти. На кислородна поддршка се 42 пациенти, нема на механичка вентилација.
Во болницата во Козле се хоспитализирани 17 возрасни пациенти позитивни на Ковид-19 и 6 деца позитивни на вирусот, како и 3 пациенти суспектни на вирусот.
Во ГОБ „8 Септември“ се примени 9 нови, вкупно се хоспитализирани 76 пациенти, а тријца се на респираторна машина.
Во болницата во Битола се хоспитализирани 28, а во болницата во Штип се хоспитализирани 43 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 115 пациенти – позитивни и сомнителни на ковид-19.