Тренерот на Швајцарија, Владимир Петковиќ рече дека задачата за чување на бразилската ѕвезда Нејмар е исклучително тешка. Двете екипи играат во првиот круг во групата „Е“ утре во Самара.
„Се разбира, Нејмар е посебен фудбалер. Да го зачуваме во текот на целиот натпревар е многу тешко. Тој и Кристијано Роналдо се најсилните играчи во светот. Треба да дејствуваме многу внимателно и крајно концентрирано против индивидуалци како него“, прокоментира Петковиќ.
„Нашата цел е пласман во елиминациската фаза. Што се однесува до стилот на игра, ќе се обидеме да создадеме организиран хаос и да го поттикнуваме противникот, ако можам така да се изразам. Секако нема да го откријам тактичкиот план против Бразил. Знаеме како да напаѓаме, но нема да напаѓаме цела игра“, додаде тој.