Крцкава пита со сливи и ореви.
Состојки:
Тесто:
– 200 гр пченично брашно
– 100 гр пченкарно брашно
– 80 гр путер
– 1 јајце
– 1 жолчка од јајце
– прстофат сол
Полнење:
– 400 гр сливи
– 100 гр шеќер
– 100 гр сечкани ореви
– 20 гр мелени бисквити
– 3 жолчки
– цимет
– шеќер во прав
Подготовка:
Измијте ги сливите, исечете ги на половина, извадете ги семките и исечете ги на кришки.
Ставете ги во сад и посипете ги со шеќер во прав и цимет, покријте ги со фолија и оставете ги да отстојат околу еден час.
Тесто: во сад ставете ги двата вида брашно, додадете прстофат сол, омекнат путер и жолчка од јајце, а потоа едно цело јајце.
Замесете тесто, завиткајте го во фолија и оставете го да отстои половина час на ладно.
Тестото развлечете го тенко и ставете го во плех обложен со хартија за печење.
Скршете ги бисквитите и посипете ги преку тестото, исцедете ги сливите и наредете ги врз бисквитите.
Измешајте ги жолчките со шеќер додека не посветлат, додадете ситно сечкани ореви, убаво измешајте и прелијте ги по сливите.
Печете околу 40 минути на 180 степени.