Мар Галцеран влезе во историјата со тоа што стана првата жена со Даунов синдром која влезе во шпанскиот парламент.
„Тоа е без преседан. Општеството почнува да гледа дека луѓето со Даунов синдром можат многу да придонесат, но тоа е многу долг пат“, наведе 45-годишната Галцеран, пренесе „Гардијан“.
Имено, Галцеран со децении се бореше за тоа луѓето со интелектуална попреченост да бидат видени во политиката. На само 18 години, таа се приклучи на конзервативната Народна партија (ПП) откако била привлечена од, како што рече, прифаќање на традицијата.
Таа полека се пробила во партискиот апарат. Нејзиниот ангажман се исплатеше минатиот мај кога беше додадена како 20-то име на листата на кандидати претставени од ПП на регионалните избори во Валенсија.
Набрзо пристигна вест дека Галцеран освоила место во регионалниот парламент.
„Добре дојдовте Мар“, напиша регионалниот лидер на ПП Карлос Мазон на социјалните мрежи. „Одлична вест за политиката, ова е надминување на пречките“, додаде тој.