Манчестер Јунајтед ќе претрпи големи промени во составот во претстојниот летен преоден рок. Сер Џим Ратклиф, кој неодамна купи 27% од акциите и стана косопственик, ќе раководи со спортскиот оддел.
„Дејли Мејл“ објави дека милијардерот сака да го искористи својот финансиски капитал за да му дозволи на Јунајтед целосно да ги замени играчите во еден преоден рок. Според овој извор, клубот ќе го напуштат 11 играчи.
Хари Мегваер, Рафаел Варан, Касемиро, Арон Ван-Бисака, Скот МекТомини, Виктор Линделоф и Кристијан Ериксен се сите играчи за кои Ратклиф верува дека Јунајтед може да заработи, а тој исто така сака да ослободи четворица играчи кои се на позајмица во други клубови – Брендон Вилијамс, Дони Ван де Бик, Факундо Пелистри и Џејден Санчо.
Ретклиф истакнува дека навивачите треба да бидат свесни дека резултатите нема да дојдат во првата сезона.
„Навивачите не треба да го губат трпението, имаме десетгодишен план. Ќе ни требаат најмалку три години да го достигнеме нивото што го сакаме. Не е реално да се мисли дека веднаш ќе можеме да го играме фудбалот што го играше Сити против Реал (Мадрид) минатата сезона“, рече тој.