САД се борат со нова многу заразна варијанта на Ковид-19

Како што пандемијата на коронавирус влегува во својата четврта година, Соединетите Држави се борат со нова варијанта на ковид-19 наречена XBB.1.5, а Кина пријави пораст на случаи откако се откажа од политиката „нулта ковид“.

Поминаа три години откако корона вирусот од Вухан, Кина, се рашири низ светот, а потоа еволуираше преку бројни мутации и видови.

Иако е постигнат добар „имунитет на стадото“, а процентот на вакцинирани луѓе во САД е висок, многу заразната подваријанта – XBB.1.5 – ги држи медицинските истражувачи на штрек, јави Гласот на Америка.